Gwyddor Cymdeithas Bachelor of Arts (with Honours) - BA (Hons)

Gellir astudio'r radd hon yn ddwyieithog (yn Gymraeg a Saesneg) neu'n gyfan gwbl drwy'r Gymraeg, gan roi'r rhyddid i chi ddysgu yn y ffordd sy'n fwyaf addas i chi.

Mae’r radd Gwyddorau Cymdeithas yn rhoi cyfle i chi archwilio'r materion mawr sy'n llunio ein byd. Byddwch yn astudio pynciau megis cymdeithaseg, troseddeg, gwleidyddiaeth, polisi cymdeithasol, datblygu cymunedol, cynllunio ieithyddol, gweinyddiaeth gyhoeddus a mwy.

Gan roi pwyslais penodol ar Gymru ddatganoledig fodern, mae'r radd Gwyddorau Cymdeithas hon yn edrych yn agosach ar Gymdeithas Cymru yn ei chyd-destun Prydeinig a’i chyd-destun rhyngwladol. Bydd yn eich paratoi i weithio yng Nghymru ddwyieithog fodern, a byddwch yn ennill y sgiliau a'r wybodaeth i wneud gwahaniaeth gwirioneddol o fewn cymunedau.

Yn fwy na dim ond darlithoedd a gwerslyfrau, byddwch yn cael profiad ymarferol trwy leoliadau ac ymweliadau â chyflogwyr, gan gynnwys cynghorau sir, gwasanaethau iechyd, sefydliadau cyfiawnder a mentrau cymunedol. Mae'r cyfleoedd hyn yn eich helpu i gysylltu eich astudiaethau â'r byd go iawn, gan eich helpu i wneud argraff o'r diwrnod cyntaf.

Gyda phrofiad o weithio ochr yn ochr â Llywodraeth Cymru, cynghorau lleol, a sefydliadau cymunedol, mae ein tîm addysgu’n dod â mewnwelediad o'r byd go iawn i bob gwers. Mae eu hymchwil yn dylanwadu ar bolisi ac yn sbarduno cynnydd, ac mae wedi'i blethu'n uniongyrchol i'ch dysgu. Byddwch yn cael eich addysgu gan bobl sy'n llunio'r dyfodol yn weithredol, a fydd yn eich helpu chi i wneud yr un peth.

P'un a ydych eisiau gweithio ym meysydd gwasanaethau cyhoeddus, polisi, datblygu cymunedol, neu eiriolaeth, mae'r radd hon mewn Gwyddorau Cymdeithas yn rhoi'r adnoddau i chi droi eich angerdd yn bwrpas.